Waooh! A ma tuli ne ge ndu kwa hage na Site web ne mbarra ge ná vya ge ne mbo ne zum ya ma ne, ne nama ge ne suwal diŋ ma ne me.
No a pe eya ge nee site web ne ne. I ho̰ na dḭl "Guwa̰r ga̰l" ne wak saal "Etoile du matin". Ago guwa̰r ga̰l ndwarra ŋgay go swaga ga gwa ko̰ya, kwaya̰l yan ja zenna naa pal. Kaɗeya ge i ne ago site mbe na ka kaŋ ge ŋgay naa viya̰, ne kaŋ ge mbar naa ne fare ge Dok ne, ndwara é nee zam zḛ, ne hon ne viya̰ ge gane ne tṵ zi ya ndwara det’a kwaya̰l ge fareba zi.
Site mbe na ka kaŋ ge gene kwaya̰l ya dulwak ge ndu ge daage pet ge ne mbo ya na zi ndwara isi kaŋ ma, ne ndil kaŋ ma, ne za̰ fare ma ne na go me!
Mo laar wa̰ sigir isiya wan’a ? iyá go go
